Ճամփորդություն դեպի Ուրարտու

Երևանի տարածքում կա ուրարտական միանգամից երկու ամրոց։ Առաջինն ԷՐեբունին է, երկրորդը Թեյշեբաինին է՝ Կարմիր բլուրում։

Այն գտնվում է Հրազդան գետի ափին։ Կառուցվել է Էրեբունուց ավելի ուշ։

Թեյշեբաինին ոչ միայն ուրարտական ժառանգության, այն նաև Հայաստանի գինու պատմության կարևոր վկաներից է, ինչի մասին ապացուցում են գտնված գինու մառանները և բազմաթիվ գինու կարասները։

Միջնադարյան չքնաղ տաճարի՝ Զվարթնոցի կողքին պահպանվել են բազմաթիվ՝ ավելի վաղ հնագիտական հետքեր, որոնցից է Ուրատական (Արարատյան) թագավորության հզոր արքաներից Ռուսա 2-րդի արձանագրությունը։

Այն գտնվել է 1901-1907 թթ. իրականացվող պեղումներ ժամանակ։ Արձանագրությունն արված է մոտ 3 մ բարձրությամբ քարի վրա։ Հետաքրքիր է, որ քարը հայտնաբերվել է կոտրված, բայց արձանագրությունն ամբողջությամբ անվնաս է մնացել։ Այն պատմում է Ռուսա 2-ի տնկած այգու և անցկացրած ջրանցքի մասին։

Արգիշտիխինիլի բերդաքաղաքը եղել է վարչական կարևոր կենտրոն Ուրարտական (Արարատյան) թագավորության հզոր տարիներին։ Այն կառուցվել է Արգիշտի արքայի կողմից մ․թ․ա․ 776 թ-ին ներկայիս Արմավիրի մարզի տարածքում՝ Արարատ լեռան դեմ դիմաց, Արաքսի միջին հոսանքում։ 

Պեղումներն այստեղ սկսվել են դեռևս 1870-ական թվականներին և շարունակվել հետագայում՝ 1960-ականներին։
Բացահայտվել են բավականին հետաքրքիր նյութեր, ինչպես օրինակ՝ քարե օջախներ, ջուլհակի գործիքներ, երկաթե մանգաղներ, խեցեղեն և այլն։