Սևանա լճի հուշարձանները

Սևանի ափին՝ լճի ապառաժոտ հրվանդանի վրա կանգնած է 9—րդ դարի եկեղեցի։ Հայրավանքն է։

Այն միջնադարի հայ ճարտարապետության ազդեցությունն է կրում։ Պատերին կան արձանագրություններ, որոնք լուսավորում են եկեղեցու պատմության որոշ դրվագներ։

Եկեղեցու տարածքում կան խաչքարեր, կենցաղային ու տնտեսական կառույցների ավերակներ։

Նորատուս գյուղի գերեզմանատունը հայտնի է իր խաչքարերով։ Այնտեղ կա մոտ 800 խաչքար, որոնք վերագրվում են 9-17-րդ դարերին։

Սա ամենամեծ խաչքարադաշտն է, որը պահպանվել է։ Այնտեղ գտնվող խաչքարերի շնորհիվ կարելի է նկատել խաչքարագործության զարգացումը միջին դարերի ընթացքում։

Ծովինար գյուղը Սևանա լճի ամենամեծ գյուղերից է։ Գյուղի տարածքը բնակեցված է առնվազն Ուրարտական թագավորության ժամանակներից, ինչի վկայությունն է Օձաբերդ ամրոցը՝ նվիրված Թեյշեբա Աստծուն։

Ծովինար գյուղի տարածքում կան բազմաթիվ այլ հուշարձաններ ևս, սակայն հույժ կարևոր են նաև հայկական տան առանձնահատկություն հանդիսացող Հազարաշեն ծածկերը, որոնք շատ են հատկապես այս գյուղի տարածքում։