English
Русский
Տավուշի անտառներում բազմաթիվ հետաքրքիր քայլարշավային արահետներ կան, ու հաճախ նրանց ճանապարհին կարելի է հանդիպել պատմական նշանակության հուշարձանների։
Այդ հուշարձանների թվում են Աճարկուտ գյուղի եզրին գտնվող Առաքելոց վանքը և անտառի խորքում պատսպարված աղյուսաշեն Կիրանցը։ Դրանք հնարավոր կլինի տեսնել՝ քայլելով մոտ 20 կմ անտառապատ լեռնային ճանապարհով։
Ճանապարհն անցնում է երբեմն գետի միջով, ծառերի ստվերով, ու եթե բախտ վիճակվի, կարելի է հանդիպել անտառի բնակիչներին։
Առաքելոց վանական համալիրը ձևավորվել է միջնադարում՝ հին բնակատեղիի տարածքում։ Այժմ այն գտնվում է խիտ անտառի ստվերում։
Առաքելոցը կազմված է մի քանի կառույցից՝ երկու եկեղեցուց, գավիթից, տնտեսական բազմաթիվ կառույցներից, որոնց մեծ մասը կիսավեր վիճակում են այժմ։
XIII-րդ դարի այս վանական համալիրը եզակիներից է։ Այն կառուցված է աղյուսով՝ ոչ սովորական բան հայկական ճարտարապետության համար։
Անտառի խորքում՝ բոլոր աչքերից ու ականջներցի հեռու այս վանական համալիրը հուշում է, թե ժամանակին որքան կարևոր դեր է ունեցել դպրության ու գիտության համար։
Այն ամենամեծ աղյուսաշեն եկեղեցին է Հայաստանի տարածքում։
