Կինոտուր Օշականում

Հայաստանում բազմաթիվ կամուրջներ են պահպանվել միջնադարից սակայն հնգաթռիչքները եզակի են։

Այդ կամուրջներից մկեը գտնվում է Օշականի տարածքում՝ Քասախի կիրճում։ 

Կամուրջը կառուցվել է 1691-1706 թթ-ին և մինչ այսօր կանգուն է ու շահագործվում է՝ կապելով Օշականի հին ու նոր հատվածները։

Հայոց գրերը ստեղծվել են 5-րդ դարում։ Դրանք հեղինակել է Մեսրոպ Մաշտոցը։

Մաշտոցը սրբադասվել է, և նրա աճյունն ամփոփված է Օշականում, իսկ գերեզմանի վրա կառուցվել է համանուն եկեղեցի։

Եկեղեցու ետնաբակում կա նաև տառերի պուրակ։

Զբոսանքն Օշականում կանցնի հին թաղերով՝ տուֆաշեն տներ, հին, փայտե դռներով, նեղ ու ծուռ փողոցներ, հայտնի ու անհայտ բնակիչների պատմություններ։

Տներից շատերը կենդանացել են նաև հին հայկական ֆիլմերում, որոնց մասին պահպանվել են վառ ու տպավորիչ հիշողություններ։

Բունիկն Օշականի ամենահին պահպանված տունն է։

Այն կառուցվել է 1885 թ-ին։ Ունի թոնիր, գինու մառան, և տիպիկ հայկական ճարտարապետություն։

Բունիկը ներկայացնում է ավանդական հայկական տան օրինակ, ուր անցկացվում են ավանդական խաղեր, ծեսեր ու միջոցառումներ։