English
Русский
Վաղարշապատ քաղաքի պատմաազգագրության թանգարանը, որը հիմնադրվել է 1964 թվականին, Վաղարշապատ քաղաքի ամենամեծ թանգարանն է։
Թանգարանի պահոցներում կա մոտ 15000 ցուցանմուշ, որոնցից մի քանի հարյուրը ներկայացված է թանգարանի երեք սրահներում՝ հնագիտության և ազգագրության բաժիններում։
Ամբողջ հավաքածուն ներկայացնում է տարբեր մշակութային շերտեր՝ սկսած վաղ բրոնզի դարից և վերջացրած արդի ցուցանմուշներով։
Հնագիտության բաժնում ներկայացված են նախնադարյան մարդու բնակատեղի կրկնօրինակ, կենցաղային և պաշտամունքային իրեր, զենքեր, զարդեր և նույնիսկ իրական դամբարանի պատճեն:
Ազգագրության բաժնում ներկայացված է ավանդական հազարաշեն ծածկով թոնրատան հիանալի օրինակ, որն արտացոլում է Հայկական լեռնաշխարհում ուշ բրոնզի դարից մինչև մեր օրերը տարածված սրբազան տան մոդելը։
Ներկայացված են նաև ուշ միջնադարի տան համար նախատեսված կահույք ու կենցաղային իրեր։
