English
Русский
Աստղադիտարանը կրում է աշխարհահռչակ աստղաֆիզիկոս Վիկտոր համբարձումյանի անունը։ Հիմնվել է 1946 թ-ին և գտնվում է Բյուրական գյուղում։
Այն տեղակայված է ծովի մակերևույթից 1450 մ բարձրության վրա, Հայաստանի ամենաբարձր լեռան՝ Արագածի լանջերին։ Այստեղ օդը շատ մաքուր է, տեղակայությունը հնարավորություն է տալիս իրականացնել աստղադիտական լուրջ ուսումնասիրություններ, ինչպիսիք իրականացվել են մեծն Համբարձումյանի գործունեության տարիներին։
Աստղադիտարանի տարածքում իրականացվում են աստղադիտումներ և ներկայացվում է Հայաստանի դերը աշխարհի աստղագիտության մեջ։ Գիտական հետազոտությունները հիմնականում կապված են Տիեզերքի անկայուն երևույթների հետ։
Աստղադիտարանի տարածքում է գտնվում նաև Վիկտոր Համբարձումյանի տուն-թանգարանը։ Այնտեղ մեծ գիտնականն ապրել է իր Հայաստանյան գործունեության տարիներին։
