Դաշտադեմի ամրոց/ Քաղենի ամրոց

Դաշտադեմի ամրոցի ահռելի պարիսպները վկայում են դրա պաշտպանական դերի մասին։ Սա Հայաստանի եզակի ամրոցներից է, որը կառուցվել է բաց դաշտի մեջ՝ չունենալով բնական պաշտպանական միջոցներ։

Ամրոցը կառուցվել է դեռևս Ուրարտական թագավորության ժամանակներում, ու դրա հիմքերի վրա վերակառուցվել է մի քանի անգամ։

Գլխավոր պարսպից ներս՝ ամրոցի կենտրոնում է գտնվում միջնաբերդը, որը նույնպես պարսպապատ է հաստ պատերով ու աշտարակներով։ Պարիսպն արտաքինից եզերված է ջրատար  խրամատով։ 

Միջնաբերդի տարածքում կա եկեղեցի, գաղտնուղու մուտքը, բազմաթիվ տնտեսական նշանակության սենյակների ավերակներ։

Ինքը՝ միջնաբերդը, կենտրոնական սրահով ու աշտարակաձև հարկաբաժիններով կառույց է՝ նարնջագույն տուֆից։