Արուճի տաճար

Արուճ գյուղի Սուրբ Գրիգոր եկեղեցին ժողովրդի խոսքում հայտնի է, իբրև Արուճի տաճար, կամ Արուճի Կաթողիկե։

Եկեղեցին կառուցվել է 7-րդ դարում։ Գմբեթավոր դահլիճ է, ամենամեծն իր տեսակի մեջ։

Արուճի տաճարը՝ մեծ պատուհաններով, բարձր որմնանկարով ու ճոխ սրահով զարդարում է վաղ միջնադարի հայ ճարտարապետական ժառանգությունը։

Տաճարի հարևանությամբ պահպանվել են ավելի հին՝ 5-րդ դարի եկեղեցու, պալատական կառույցի ավերակները, գերեզմանատուն, տնտեսական նշանակության մի շարք շինությունների մնացորդներ։